Baha sa Bangkok nakaapekto sa 700,000 ka tawo

Gibaha ang daghang bahin sa Bangkok, Thailand human sa kusog ug padayong ulan, hinungdan nga ideklarar nga disaster zone ang tanang 50 ka distrito sa kaulohan.

Matud sa mga otoridad, mokabat sa 300 milimetro ang ulan nga nahulog sulod sa 48 oras, hinungdan sa pag-awas sa mga kanal ug pagsulod sa tubig sa mga balay, tindahan ug dagkong dalan.

Mga 329,000 ka panimalay o kapin 700,000 ka tawo ang naapektuhan, samtang gibakwit usab ang mga residente ngadto sa mga evacuation center.

Karon, hinay na ang pag-ulan ug gipaspasan sa siyudad ang pagpump sa tubig aron mapahubas ang mga lugar nga gibahaan.