Nakatakda gihapon nga mousbaw ang presyo sa liquefied petroleum gas (LPG) bisan pa man sa giduso nga desisyon sa Malacañang nga ipatuman ang temporaryong paghunong sa excise tax para sa maong produktong petrolyo ug sa kerosene.
Sumala sa gipadayag ni Arnel Ty nga gikan sa LPG Marketeers Association, magpabilin gihapon ang pagtaas nga mobalor og P4 matag kilo imbes nga P10 matag kilo ang idugang kon wala pa gitangtang ang maong buhis.
Tungod niini, gipasalig sa ilang pundok nga andam silang hinay-hinayon ang pagpasa sa maong dugang nga presyo aron dili mabug-atan ang mga konsumedor.
Kahinumduman nga ang temporaryong paghunong sa sa singil sa excise tax gitambag sa Department of Finance alang lamang sa LPG ug kerosene, samtang wala kini gilakip alang sa presyo sa diesel ug gasolina.