ECC, gipalig-on ang kampanya sa impormasyon sa benepisyo alang sa mga mamumuo

Gipakusgan sa Employees Compensation Commission (ECC) ang pagpanghatag og impormasyon sa mga benepisyo nga mahimong makuha sa mga mamumuo nga nakaangkon og sakit, aksidente o kadaot nga may kalabotan sa trabaho.

Gipadayag ni ECC Commissioner Allan S. Montaño – ECC Commissioner, Employees’ Sector Representative  nga ubos pa gihapon ang kahibalo sa daghang mamumuo bahin sa ECC bisan kapin 50 ka tuig na kini nga naglihok.

Matud niini, importante nga masayran sa mga trabahante ang mga benepisyo ug proseso sa pag-angkon niini.

Gihisgutan usab ni Montaño ang plano sa ECC nga palapdan ang lista sa mga sakit nga mahimong ikonsidera nga compensable illnesses, lakip ang cancer ug COVID-19.