Nadakpan sa mga awtoridad sa Dakbayan sa Mandaluyong ang magulang nga igsoon sa actress-host nga si Kim Chiu nga si Lakambini “Lakam” Chiu subay sa 124 ka counts sa kasong qualified theft.
Gipahigayon ang pag-aresto sa mga sakop sa Quezon City Police District (QCPD) pinaagi sa warrant of arrest nga giluwatan sa Quezon City Regional Trial Court. Nagsumikad ang maong kaso sa pormal nga reklamo nga gipasaka mismo ni Kim Chiu batok sa iyang igsoon kalabot sa giingong pagkuha sa pondo ug financial discrepancies sa ilang kompanya nga House of Little Bunny Philippines, Inc. nga mikabat sa kapin ₱44.3 milyon.
Gipahamtang sa korte ang piyansa nga nagkantidad og ₱5.838 milyon alang sa temporaryong kagawasan ni Lakam samtang nagpadayon ang mga booking procedure ug ang legal nga proseso.