Gilas Women, abante na sa quarterfinals sa 20th Asian Games 

Misulod na sa quarterfinals ang Gilas Pilipinas Women human gipildi ang Hong Kong, 90-73, sa 20th Asian Games sa Aichi-Nagoya, Japan.

Human sa dikit nga duwa sa unang tulo ka quarters, milusot ang Gilas sa fourth quarter sa pagpanguna nila Stefanie Berberabe, Afril Bernardino ug Jhaz Joson.

Nakapuntos si Berberabe og 21 puntos, samtang adunay 17 puntos ug 11 rebounds si Bernardino.

Nakadugang si Joson og 15 puntos, samtang si Camille Malagar adunay 14 puntos.

Tungod sa maong kadaugan, nakasiguro na ang Gilas Pilipinas Women og puwesto sa top eight.

Sunod nilang atubangon ang host country nga Japan sa Martes alang sa ilang kataposang duwa sa group stage