- Advertisement -
Lauman ang laing dakong pagsaka sa presyo sa produktong petrolyo karong semana tungod sa nagpadayong krisis sa Middle East.
Posibleng mosaka og P10.50 hangtod P11 kada litro ang diesel, P4.50 hangtod P5 ang gasolina, ug P6 hangtod P7 ang kerosene.
Sa miaging duha ka semana, misaka na og hangtod P10 kada litro ang presyo sa diesel ug gasolina, hinungdan nga nabalaka ang mga motorista ug drayber sa epekto niini sa ilang panginabuhian.
- Advertisement -
Sumala sa Department of Energy o DOE, ang nagpadayong tensyon sa Middle East maoy nagduso sa pagsaka sa presyo sa krudo.
Matud ni Energy Secretary Sharon Garin, wala pa makita ang timailhan nga hapit na matapos ang maong panagbangi.
- Advertisement -