Gipirmahan na ni US President Donald Trump aron mahimong pormal nga balaod ang usa ka lapad nga sanctions package batok sa nasud sa Russia ug Iran nga gipasa sa US Congress pinaagi sa talagsaong suporta sa duha ka partido o bipartisan.
Sa taho sa Bombo Radyo, ang maong balaod nga giulohan og “Lindsey O Graham Sanctioning Russia and Iran Act of 2026,” direktang nagtarget kang Russian President Vladimir Putin, mga tag-as nga opisyal, ug sa mga sektor sa enerhiya ug depensa sa Moscow. Ubos sa maong balaod, gihatagan og gahum ang Presidente sa US nga magpataw og hangtod 100% nga taripa sa mga nasud nga padayong nagpalit og lana ug gas gikan sa Russia, sama sa China ug India, aron pakubson ang pondo sa Kremlin sa gubat niini sa Ukraine.
Bisan pa nga gitawag kini ni Ukrainian President Volodymyr Zelenskyy nga usa ka gamhanang lakang aron iduso si Putin sa pakigsaabut, nagpasidaan usab si US House Minority Leader Hakeem Jeffries nga ang maong taas nga taripa posibleng magpahinabo og pagtaas sa presyo sa mga palaliton alang sa mga pamilya sa America.