Ihap sa mga nakabsan sa kinabuhi sa flashfloods sa Nepal misaka sa kapin 1,400; rescue operations padayon nga gihimo

Mokabat na sa kapin 1,400 ka tawo ang kumpirmadong nakabsan sa kinabuhi samtang liboan pa ang nahanaw sa nagpadayong grabeng pagbaha ug pagdahili sa yuta diha sa nasud sa Nepal.

Sa taho sa Bombo Radyo, padayon karon ang gihimong search and rescue operations sa mga awtoridad ug mga rescue team taliwala sa mga natabunan nga puy-anan ug nangaguba nga mga dalan aron pangitaon ang mga nahanaw nga residente.

Subay sa pagtuon sa mga eksperto, ang maong dakong katalagman epekto sa climate change nga nagpahinabo og dili kasagaran nga pagtaas sa temperatura sa mga glacier sa kabukiran. Kini ang nahimong hinungdan sa kalit nga pagkatunaw ug pagdagayday sa dagkong tubig ug lapok ngadto sa mga namuyo sa ubos nga bahin sa maong nasud.