US giingong kontrolado gihapon ang Strait of Hormuz

Gipasigarbo sa Estados Unidos nga wala makontrol sa Iran ang Strait of Hormuz, samtang padayon ang pagtabang sa US military sa mga commercial vessel nga moagi niini.

Matud ni US Central Command spokesperson Tim Hawkins, natabangan sa ilang militar ang pagbiyahe sa kapin 900 milyon ka baril sa krudo sukad niadtong Mayo.

Gani, miayo na usab ang dagan sa trapiko sa mga barko sa maong katubigan.

Gisulti usab ni Hawkins nga epektibo ang pagpugong sa US sa mga Iranian port, diin ilang gipapahawa ang mga barkong mosulay og duol.

Ilang gilimod usab ang alegasyon sa Iran nga ilang gipunting ang mga sibilyan sa matag operasyon.