Gipadayag sa Korte Suprema nga ang mga desisyon nga gipagawas sa korte nakabase sa mga ebidensyang gipresentar.
Giingon ni Supreme Court Spokesperson Atty. Camille Sue Mae Ting nga ang paghusay sa mga kaso nga giatiman sa korte gibase sa balaod ug sa mga ebidensyang gipresentar.
Ang pahayag ni Ting may kalabotan sa naunang pahayag ni Vice President Sara Duterte nga wala siya’y pagsalig sa korte.
Kahinumduman nga sa iyang pag-adto sa Quezon City Regional Trial Court, gipahayag sa bise presidente ang iyang kawalay pagsalig sa korte ug sa kapulisan atol sa pagbayad niya og piyansa human giisyuhan og warrant of arrest may kalabotan sa iyang giatubang nga kaso nga grave threats.
Bisan pa niini, matud ni Ting, gitahod sa Korte Suprema ang pahayag sa bise presidente.