Cendaña, gikuwestyon ang koordinasyon sa House ug civil society groups sa budget deliberations

Gikuwestyon ni Akbayan Party-list Representative Perci Cendaña ang giingong kakulang sa koordinasyon tali sa House of Representatives ug civil society organizations o CSOs sa paghisgot sa national budget.

Matud ni Cendaña, lahi kini sa miaging tuig diin adunay guidelines alang sa partisipasyon sa CSOs sa budget deliberations, ilabina human mabutyag ang flood control scandal.

Matud pa niya, daw nakabalik sa sinugdanan ang House karong tuiga, samtang gibati sa mga CSOs nga wala sila mahatagi og igong lugar sa budget process.

Gihangyo ni Cendaña ang mas klaro ug mas epektibong partisipasyon sa mga civil society groups sa budget deliberations.