Gikuwestiyon ni Congresswoman ug Deputy Speaker Garin ang pamaagi sa depensa sa pag-cross-examine kang kanhi Sandiganbayan Presiding Justice Amparo Cabotaje-Tang atol sa impeachment trial ni Vice President Sara Duterte.
Sumala kang Garin, mas angay nga tutokan ang substansiya ug evidentiary value sa testimonya ni Tang, ilabina sa isyu sa “unexplained wealth” nga gilatid sa Article 2 sa impeachment complaint.
Gibatikos usab niini ang pipila ka pangutana ni Atty. Mark Vinluan nga iyang giingong nakasentro matud sa kredibilidad ug posibleng politikal nga pagsalmot ni Tang, imbes sa iyang kasinatian isip kanhi huwes.
Matud pa ni Garin, adunay dakong kalabotan ang kasinatian ni Tang isip kanhi presiding justice sa Sandiganbayan sa paghisgot sa isyu sa ill-gotten ug unexplained wealth.
Gitin-aw niini nga ang tumong sa impeachment proceedings mao ang pagsusi sa mga alegasyon nga gilatid sa impeachment complaint, lakip na ang pinansyal nga mga isyu batok sa Bise Presidente.