Gipahigayon karon sa kapolisan ang pursuit operation batok sa usa ka 31-anyos nga lalaki nga nanunggab sa iyang ka-inom sa Sitio Bugwak, Barangay Nabaliwa, lungsod sa Pangantucan, Bukidnon niadtong Septyembre 14, 2026 sa kaadlawon.
Subay sa imbestigasyon sa Pangantucan Municipal Police Station, nag-inom og makahubog nga ilimnon ang 31-anyos nga biktima ug ang suspetsado sa dihang gipadayon nila ang pagpanihapon sa balay sa suspetsado. Apan samtang nag-istoryahanay sa gawas sa balay, miulbo ang init nga panaglalis sa duha nga misangpot sa pagpanggawas og kutsilyo sa suspetsado ug pagdunggab sa katungang bahin sa tiyan sa biktima.
Daling gidala ang biktima sa Bukidnon Provincial Hospital sa Maramag alang sa pagpatambal, samtang nagpabilin nga gawasnon ug padayon pang gipangita sa kapolisan ug mga opisyal sa barangay ang nahisgotang suspetsado ubos sa pagpanguna ni BukPPO Director PCOL Oliver Sotto Navales.