Oscar-winning producer nga si Jeremy Thomas, mitaliwan sa edad nga 77

Mitaliwan  na ang bantog nga British film producer nga si Jeremy Thomas sa edad nga 77 sa iyang balay sa Oxfordshire.

Misidlak sulod sa lima ka dekada ang iyang karera sa pelikula, diin nahimong bahin sa iyang mga obra ang The Last Emperor ug Sexy Beast.

Nakauban usab niini ang mga sikat nga direktor sama nila David Cronenberg, Nagisa Oshima, Julien Temple ug Nicolas Roeg.

Ang The Last Emperor nakadaog og siyam ka Academy Awards, lakip ang Best Picture, samtang nakadawat usab si Thomas og Outstanding European Achievement in World Cinema award niadtong 2006.