Nagpasaka og petisyon sa Korte Suprema si Vice President Sara Duterte aron babagan o pugngan ang tulo ka kaso sa grave threats nga gipasaka sa Department of Justice o DOJ batok kaniya.
Sa Petition for Certiorari and Prohibition nga adunay aplikasyon alang sa Temporary Restraining Order o TRO, gihangyo sa Bise Presidente nga iwala ang-bisa ang resolusyon sa DOJ nga nagrekomendar sa pagpasaka sa maong mga kaso batok kaniya.
Gusto usab ni Duterte nga iwala ang-bisa ang resolusyon sa Quezon City Regional Trial Court nga mibasura sa iyang motion to quash, lakip na ang warrant of arrest nga gipagawas batok kaniya.
Lakip usab sa iyang gihangyo sa Korte Suprema ang pagpahunong sa prosekusyon ug sa Quezon City RTC sa paghimo og bisan unsang aksyon may kalabotan sa maong kaso.
Samtang, gibarugan sa Department of Justice nga si Presidente Ferdinand “Bongbong” Marcos Jr. lamang ang adunay immunity from suit o exemption sa pagsang-at og kaso samtang anaa sa iyang katungdanan isip Pangulo.
Sumala ni Justice Secretary Fredrick Vida, wala’y immunity from suit ang Vice President sa Pilipinas.