Tingkagol karon sa Don Carlos Municipal Police Station ang usa ka 38-anyos nga lalaki human niini gitigbas ang usa ka 28-anyos nga lalaki sa Purok 3, Barangay Manlamonay, lungsod sa Don Carlos, Bukidnonniadtong milabayng adlaw. Subay sa impormasyon sa otoridad, nagsugod ang insidente sa usa ka lalis tali sa duha.
Gibutyag sa mga saksi nga gihanggat sa suspek nga makigsumbagay ang biktima, apan kalit nga nihulbot sa kutsilyo ang biktima ug giatake ang suspek. Dihadiha dayon, nagkuha usab og sundang ang suspek ug gitigbas ang biktima sa wala nga bahin sa iyang ulo. Dali nga gidala ang biktima sa Maramag Provincial Hospital alang sa iyang medikal nga pagtpaalim.
Nakumpiska sa mga nagresponde nga kapolisan gikan sa lugar ang usa ka sundang ug hinimo nga kutsilyo nga gigamit sa maong insidente, samtang nasikop usab dayon ang suspek nga nag-atubang na karon sa tukmang kaso.