Luwas nga nabawi ug gipahilayo sa peligro ang 44 ka mga bata ug mga kawani sa tunghaan human gipusil-patay sa usa ka pulis ang iyang asawang magtutudlo sulod sa usa ka eskwelahan sa Thailand.
Subay sa pahibalo sa mga awtoridad, dali nga gi-evacuate ang mga estudyante dihang nadungog ang mga boto sa pusil sulod sa pasilidad. Nagsugod ang maong trahedya dihang puyos nga nisulod ang maong pulis sa tunghaan aron atubangon ug pusilon ang iyang asawa tungod sa nagpadayon nilang away sa panimalay.
Gikumpirmar sa kapolisan sa Thailand nga walay bisan kinsang bata o ubang kawani sa eskwelahan ang nasamdan sa maong insidente. Sa kasamtangan, nagpadayon ang imbestigasyon sa mga awtoridad samtang gipahigayon usab ang paghatag og psychosocial support alang sa mga kabataan ug magtutudlo nga nakasaksi sa maong trahedya.