Patay ang usa ka lalaki nga giilang si Den Mark Kinontao Acacio samtang samaran ang laing indibidwal human kini gitigbas sa ilang katagay sa Purok-9, Sitio Mabuhay, Barangay San Jose, Malaybalay City, Bukidnon.
Ang mga biktima giila nga sila si Den Mark Kinontao Acacio, 35 anyos, usa ka laborer, ug si alyas Jun, 48 anyos, puros residente sa nahisgutang lugar.
Ang suspetsado nailhan nga si alyas Ken, ulitawo, usa ka laborer ug silingan sa mga biktima.
Saysay pa sa paryente sa biktima nga si alyas “Michael”, nga ulahing nakita nga nag-inom ang biktima uban ang suspetsado diin posibleng dunay panaglalis ang duha ayha pa man ang pagpanigbas.
Dugang pa niini dakong samad sa likod nga bahin sa ulo ang naangkon sa biktima.
Natigayon ang pagpanigbas sa suspek nga si alyas Ken nga miresulta sa kamatayon ni Acacio, samtang luwas ra ang kahimtang ni alyas Jun ug kasamtangang nagpaalim sa balay tambalanan.
Gideklarang dead-on-arrival sa attending physician si Acacio. Hinoon, gilayong nadakpan sa otoridad ang suspetsado ug gikatakdang pasakahan og kasong Frustrated Homicide.