Lalaki sa America, nakatala og World Record sa pagbuo sa Mr. Potato Head samtang gitaklapan ang mga mata

Nakatala og bag-ong Guinness World Record si Conor Shea sa Kentucky, Estados Unidos human niya nahuman og assemble ang dulaan nga Mr. Potato Head samtang tabunan ang mata sulod lang sa 7.92 segundos.

Nalabwan ni Shea ang kanhing rekord nga 12.11 segundos nga gihuptan ni German record-breaker Andre Ortolf.

Matud ni Shea, usa usab sa iyang tumong sa paghimo sa rekord mao ang paghatag og kahibalo bahin sa Usher Syndrome, usa ka genetic disorder nga mahimong hinungdan sa pagkawala sa pandungog ug sa ulahi, pagkabuta.

Dugang pa niini, gusto niyang ipakita nga ang mga tawo nga adunay ingon niini nga kondisyon makahimo gihapon og talagsaong mga kalampusan.