₱841-M nga pondo, nabawi ug na-uli na sa National Treasury — DOJ

Gibutyag sa Department of Justice (DOJ) nga mukabat na sa kapin ₱841 milyon ang kantidad sa salapi nga nabawi  pinaagi sa restitution proceedings.

Sumala sa ahensya,  nga nauli na ang maong pondo ngadto sa National Treasury.

Gipasalamatan usab sa departamento si Presidente Ferdinand Marcos Jr. tungod sa iyang pagsalig sa National Prosecution Service ug sa suporta sa kampanya batok sa korapsyon nga gipahayag niini sa iyang ikalima nga State of the Nation Address o SONA sa milabayng adlaw.

Apan samtang gipunting sa administrasyon ang mga nahimo sa kampanya batok sa korapsyon, giingon ni Akbayan Party-list Representative Perci Cendaña nga dili pa igo ang kantidad sa nabawing pondo.