Gipahunong ni Senate President ug Presiding Officer Francis “Chiz” Escudero ang opening statement ni House Prosecutor Leila de Lima sa ika-10 nga adlaw sa impeachment trial batok kang Vice President Sara Duterte.
Kini human miprotesta ang defense counsel nga si Atty. Michael Poa batok sa mga pahayag ni De Lima nga naghatag na matud pa og conclusions of fact and law bahin sa giingong pag-abuso sa ₱612.5 milyon nga confidential funds sa OVP ug DepEd. Nagpasidaan si Poa nga bisan pa kon ipatangtang sa opisyal nga rekord ang maong mga pahayag, makaimpluwensya gihapon kini sa opinyon sa publiko.
Subay sa kasabutan sa duha ka bahin, gipahinumdoman ni Escudero ang prosekusyon ug gimandoan si De Lima nga ihunong na ang pamahayag aron dretso na silang makapresenta sa ilang unang testigo.