Mibuwelta ang Malacañang sa pamahayag ni Bise Presidente Sara Duterte kabahin sa nagkadakong utang sa Pilipinas.
Sa usa ka rally sa Australia, gikwestyon ni VP Sara Duterte ang kapin P16 trilyon nga utang sa nasud ug miingon siya nga daw wala man lang matud pa gibati sa publiko og diin napaingon ang mga gipang-utang gumikan walay nakita nga proyekto sa nasud.
Matud ni Palace Press Officer Claire Castro, dili lamang sa administrasyon ni Pangulong Ferdinand Marcos Jr. nagsugod ang maong utang.Gipasabot ni Castro nga sa Hunyo 2022, sa wala pa milingkod si Marcos Jr. isip presidente, ang utang nga gibiyaan sa administrasyon ni Duterte mabot matud pa sa P12.79 trilyon.
Depensa ni Castro, 6.83 trilyon ra ang nautang sa langyaw nga nasud sa administrasyong Marcos, diin 115.1% nga mas taas tandi sa kasamtangang administrasyon.
Matud sa Palasyo, naningkamot ang kagamhanan nga maglikay sa pagpangutang pinaagi sa pagpalapad ug pagpalig-on sa ekonomiya ug saktong pagpangkolekta og buhis.
Samtang, giangkon ni Castro nga bisan paman sa hingpit nga tinguha nga dili makautang, muabot ang panahon nga kinahanglan mangutang og pondo ang gobyerno sa panahon sa krisis.