PDRC Bukidnon, giila ni PAO Chief Acosta isip usa sa mga labing talagsaong pasilidad sa nasud atol sa libreng legal mission

Giila ang Provincial Detention and Rehabilitation Center (PDRC) sa Bukidnon isip usa sa labing talagsaong pasilidad sa prisohan sa nasod atol sa gipahigayong libreng legal ug medical mission alang sa liboan ka Persons Deprived of Liberty (PDL).

Gidayeg ni Public Attorney’s Office (PAO) Chief Dr. Persida V. Rueda-Acosta ang Pro (PDRC) sa Bukidnon isip usa sa most outstanding nga pasilidad sa prisohan sa nasud.

Atol sa gihimong medical and legal outreach and jail visitation, gipadayag ni Acosta ang iyang pagdayeg sa pagdumala ni Governor Rogelio Neil Roque tungod sa maayong pag-atiman sa mga PDL, lakip na ang paghatag og igo nga pagkaon, tubig, ug maayong pasilidad aron maandam sila sa ilang pagbalik sa katilingban.  

Dungan pa niini, gipahigayon usab sa PAO ang mga konsultasyong legal alang sa mga katutubong lumad o Indigenous Peoples (IPs) sa probinsya.

Gipahayag usab sa PAO Chief nga bisan pa sa kakulangon sa ihap sa mga public attorney tungod sa paspas nga paghimo og bag-ong mga court branches, padayon gihapon ang ilang paspas nga pag-alagad diin liboan ka preso ang napagawas ug na-acquit matag bulan sa tibuok nasud.