Nakab-ot ang bag-ong world record human kapin sa 31,000 ka skydiving activities ang nahimo sulod sa usa ka adlaw sa 43 ka nasud.
Sa datos sa mga organizers, nakaabot sa 31,075 ka coordinated skydives ang nahimo aron masakmit ang titulo nga “most recorded skydives completed in a single day.”
Ang maong kalihokan nga gitawag og World Skydiving Day gi-organisa sa U.S. Parachute Association (USPA), Australian Parachute Federation, British Skydiving, ug Canadian Sport Parachuting Association.
Nalakip sa maong rekord ang liboan ka skydivers gikan sa nagkadaiyang lebel sa kasinatian, lakip na ang mga first-time tandem jumpers.
Matud ni USPA Executive Director Albert Berchtold, makapadasig ang pagtan-aw sa liboan ka mga partisipante gikan sa nagkalain-laing bahin sa kalibotan nga nagtigom aron saulogon ang sport nga skydiving.