Natala ang Pilipinas sa pinakataas nga singil sa kuryente taliwala sa mga nasud nga miyembro sa ASEAN niadtong Hunyo, sumala sa Department of Energy (DOE).
Matud ni DOE Undersecretary Rowena Cristina Guevara, miabot sa P12.43 matag kilowatt-hour (kWh) ang average nga singil sa kuryente sa nasud, nga mas taas og P0.093 kada kWh tandi sa Singapore.
Matud ni Guevara nga pinakataas ang singil sa Visayas tungod sa kakulang sa suplay sa kuryente sa rehiyon.
Dugang pa niini, adunay 21 ka power plant units nga nakaagi og forced outage, maong nagsalig ang Visayas sa suplay gikan sa Luzon ug Mindanao.
Niadtong Hunyo, makadaghang higayon usab nga gideklarang yellow alert sa Visayas grid, nga nagpasabot nga nipis ang operating reserve aron masiguro ang kalig-on sa transmission grid