- Advertisement -
Naghimo og dako ug makasaysayanong surpresa ang Philippine women’s national softball team, ang Philippine Blu Girls, human gipukan ang World No. 3 Puerto Rico pinaagi sa usa ka kulbahinam nga 5-4 comeback victory sa nagpadayong WBSC Women’s Softball World Cup Group Stage sa Peru.
Bisan pa man dehado sa ranking, gipakita sa mga Pinay sluggers ang ilang kaisog ug determinasyon dihang ilang gipildi ang labaw sa powerhouse nga kaatbang pinaagi sa mga krusyal nga hits ug solidong depensa sa ulahing bahin sa dula aron makuha ang maong importanteng dula.
Natapos sa ikalimang puwesto ang Pilipinas Blu Girls human mapildi ang host team Peru, 8-0, sa sa katapusang dula sa maong torneyo.
- Advertisement -