Nagbahad ang nasod sa Iran nga ilang palapdon ug pakusgon ang pagbabag sa mga nag-unang ruta sa energy exports o patigayon sa lana sa Middle East. Kini nga pasidaan gikan sa Islamic Revolutionary Guard Corps (IRGC) gipagawas human gipatuman pag-usab sa Estados Unidos ang naval blockade sa mga pantalan sa Iran ug naglunsad og pito ka oras nga serye sa mga airstrike duol sa Strait of Hormuz. Gipasanginlan usab sa Amerika ang Iran nga luyo sa pag-atake sa pito ka komersiyal nga barko nga miresulta sa pagkaangol ug pagkamatay sa pipila ka tripulante sa miaging semana.
Aron mas mapig-utan ang US ug ang mga kaalyado niini, andam ang Iran nga gamiton ang rebeldeng Houthi sa Yemen aron sirad-an ang Bab el-Mandeb Strait—usa ka kritikal nga agianan sa lana nga nagdugtong sa Red Sea ug Gulf of Aden. Bisan pa niini, wala natarog si US President Donald Trump ug mibahad nga targeton sa militar sa Amerika ang mga planta sa kuryente, taytayan, ug mga pasilidad sa enerhiya sa Iran kon magdumili gihapon kini sa pag-abli sa ilang nuclear program.