Gikumpirma ni Bagong Alyansang Makabayan (BAYAN) Chairperson Teddy Casiño nga wala mitambong sila kanhi Anakalusugan Representative Mike Defensor ug abogado nga si Atty. Ferdinand Topacio sa White Ribbon Movement nga gihimo sa EDSA People Power Monument niadtong Domingo.
Kini bisan pa sa ilang naunang pamahayag nga motambong sila sa maong kalihukan.
Sumala ni Casiño, mas maayo unta kon nitambong ang duha aron ilang madungog ang programa ug mga panawagan sa maong pagtigom.
Kahinumdoman nga una nang gipahibalo ni Defensor pinaagi sa social media nga motambong siya sa White Ribbon Movement.
Samtang si Topacio usab mitubag ug gihagit pa si Casiño nga pahilakon niya kini kon babagan siya sa EDSA People Power Monument.
Dugang pa ni Casiño, ang maong kalihukan nagpakita nga nagpabilin gihapon ang mga isyu nga nahimong sentro sa mga protesta niaging tuig, ug wala kini kalainan sa nangaging mga lihok batok sa korapsyon.
Sigon pa ni Casiño nga ang kamahinungdanon sa padayon nga pagbantay ug paglihok aron dili mausik ang mga panawagan alang sa accountability ug mga reporma sa gobyerno.
Kahinumduman nga nagsugod ang serye sa mga protesta niadtong Setyembre 2025 human mibuto ang isyu sa giingong maanomalyang flood control projects sa gobyerno.