Gipadayag sa House prosecution legal spokesperson nga si Atty. Benjamin Tolosa Jr. nga miuyon na ang kampo ni Vice President Sara Duterte nga ablihan, i-inventory, ug markahan isip ebidensya ang “green box” gikan sa Bureau of Internal Revenue nga adunayc sa Bise Presidente ug sa iyang bana nga si Atty. Mans Carpio.
Apan, gipangayo sa depensa nga himuon kini pinaagi sa executive session o closed-door proceeding aron mapabiling kompidensyal ang sulod niini.
Gi-isip sa prosecution nga usa maayong lakang ug positibong paglihok padulong sa transparency, apan gipasabot nga ang pinal nga desisyon magpabilin sa impeachment court.
Ang maong “green box” gituohang mahimong mahinungdanong ebidensya sa isyu sa giingong unexplained wealth, tungod kay posible kining itandi sa Statement of Assets, Liabilities and Net Worth (SALN) ug uban pang financial records ni Vice President Duterte.