- Advertisement -
Selyado na usab ang laing dungog alang sa nasod human malangkat sa Filipino Olympian pole vaulter nga si EJ Obiena ang gold medal sa Czesław Cybulski Memorial didto sa Poznań, Poland.
Kini human malampuson ug limpyo nga na-clear ni Obiena ang 5.72 meters nga gitas-on aron hingpit nga dominahon ang men’s pole vault event. Gilupig niini ang iyang mga lig-ong kaatbang aron sementohon ang iyang pwesto sa maong kompetisyon.
Ang maong kadaugan maoy nagsilbing labing unang outdoor title sa Pinoy athlete alang karong 2026 season, nga nagpakita sa iyang padayon nga dominasyon ug maayong kondisyon sa natad sa paugnat sa kusog sa tibuok kalibutan.
- Advertisement -