- Advertisement -
Laumang mousbaw pag-usab ang presyo sa produktong petrolyo karong semanaha tungod sa pagsaka sa presyo sa lana sa kalibutan, diin giingong epekto sa subling pag-ulbo sa tensiyon sa Middle East.
Base sa inisyal nga banabana sa mga tinubdan sa industriya sa lana, mahimong musaka og hangtod P1 matag litro ang diesel, samtang posible usab nga moabot sa P2 matag litro ang dugang usbaw sa presyo sa gasolina.
Nahitabo kini human sa miaging rollback sa presyo sa petrolyo, apan subling gikabalak-an sa merkado ang suplay niini gumikan sa bag-ong kagubot tali sa Estados Unidos ug Iran nga mamahimong makaapekto sa dagan sa produksiyon.
- Advertisement -