Gisuportahan ni BB Gandanghari ang sugyot nga amyendahan ang Juvenile Justice Law aron ipaubos ang edad sa criminal responsibility gikan sa 15 anyos ngadto sa 10 anyos.
Sa usa ka Facebook Live ni Senator Robin Padilla, matud ni BB nga nagtuo kini sa tumong sa maong balaodnon.
Sumala nini, dili tumong sa iyang igsoon nga silotan o ipabilanggo ang mga 10-anyos nga bata, kondili ang paghatag kanila og kahadlok o “deterrent” aron malikayan ang paghimo og krimen.
Dugang pa pa ni BB, importante nga adunay pagbati sa responsibilidad ug kahadlok sa pagbuhat og daotan aron mahimong mas mabinantayon ang mga kabatan-onan sa ilang mga lihok.
Kahinumdoman nga mibalik ang diskusyon bahin sa pagpaubos sa edad sa criminal responsibility human sa insidente sa pagpamusil sa Tacloban City diin tulo ka estudyante ang namatay.
Usa si Senator Robin Padilla sa mga nagdasig nga tun-an pag-usab ang maong sugyot balaodnon.