Posibleng moabot pa og pipila ka bulan ug dili lamang pipila ka semana ang search and rescue operations alang sa mga biktima sa kusog nga mga linog nga miigo sa Venezuela.
Sumala kang Elinor Raikes, vice president ug head of program delivery sa International Rescue Committee, nangita na ang ilang organisasyon og alternatibong paagi aron sa paspas nga paghatod sa ayuda ug mga relief goods.
Sumala ni Raikes, nga dakong hagit ang paghatod sa tabang tungod sa grabeng kadaot sa mga imprastruktura sa nasod.
Human maguba ang nag-unang tugpahanan sa Venezuela, lisod ang pagsulod sa mga suplay.
Sa umaabot nga mga adlaw, tutokan sa IRC ang paghatod sa pagkaon, limpyo nga tubig, temporaryong kapuy-an, ug mga medikal nga suplay alang sa mga apektadong residente ug lokal nga mga pasilidad sa panglawas.
Sa pagkakaron, daghang ospital sa Venezuela ang nag-atubang sa kakulang sa mga kritikal nga medikal nga suplay, samtang hingpit nga nahugno ang duha ka karaang ospital sa Caracas ug La Guaira tungod sa kusog nga linog.
Samtang, Mingsaka na ngadto sa 1,430 ang kumpirmadong patay ug aduna pay kapin 51,000 ka-tao ang padayon nga gipangita.