Nahimong sentro sa interes sa publiko ang usa ka talagsaong pamaagi sa pag-andam sa pagkaon didto sa Japan diin gigamitan og kontroladong agup-op o “mold” ang isdang tuna aron mahimo kining usa ka sikat nga delicacy nga nailhan isip Katsuobushi.
Kini nga tradisyonal nga proseso naglangkob sa pagpauga, pagpaaso, ug pagbutang og espesyal nga matang sa agup-op sa unod sa tuna sulod sa pipila ka bulan hangtod nga mogahi kini pag-ayo sama sa kahoy. Ang maong agup-op dinalian nga nagsupsop sa nahabiling kaumog sa isda ug nagpagawas sa natural nga “umami” o lamiang flavor niini.
Inigkahuman sa maong proseso, asgasan o i-shave kini aron isabwag isip toppings o isagol sa mga iladong pagkaon sa Japan sama sa takoyaki, okonomiyaki, ug mga sabaw. Bisan pa man og katingad-an alang sa uban ang ideya sa agup-op, gipasalig sa mga eksperto nga luwas, limpyo, ug duna’y dako nga kontribusyon sa maayong panglawas ang maong sikat nga delicacy.