- Advertisement -
Gisaulog sa Kapamilya star nga si Maris Racal ang usa ka dako nga kalampusan sa iyang karera human niya makuha ang iyang labing unang Best Actress award.
Nadawat ni Maris ang tropeyo alang sa “Best Lead Performance of 2025” tungod sa iyang de-kalidad nga pag-arte sa pelikulang “Sunshine” nga gidirek ni Antoinette Jadaone, atol sa 6th Pinoy Rebyu Awards sa Society of Filipino Film Reviewers niadtong Lunes, Hunyo 22. Pinaagi sa iyang Instagram account, dinalian nga gipaambit sa aktres ang iyang hulagway nga nagkupot sa award ug nagpasalamat sa maong pundok tungod kay magpabilin kining espesyal kaniya. Gumikan niini, baha ang mga pahalipay nga iyang nadawat gikan sa iyang mga fans ug mga kaubanan sa showbiz sama ni Charo Santos.
- Advertisement -