Gibutyag ni kanhi Senador Antonio Trillanes IV nga kapin P181 Milyon ang giingong nadawat sa pipila ka miyembro sa pamilya Duterte gikan sa negosyante ug drug lord nga si Sammy Uy, base sa mga dokumento sa transaksyon nga gipakita niini.
Matud ni Trillanes, kapin P22.32 Milyon ang kinatibuk-ang nadawat ni Vice President Sara Duterte gikan kang Sammy Uy.
Gilakip usab ni Trillanes sa giingong mga transaksyon si Rep. Paolo Duterte nga matud pa, kapin P38.81 Milyon ang nadawat niini gikan sa drug lord nga si Sammy Uy.
Adunay mga giingong transaksyon usab nga naglambigit kang Mayor Sebastian Duterte diin nakadawat kini ug P51.58 Milyon.
Dugang pa ni Trillanes nga aduna’y nadawat sila Honeylet Avanceña, ug Veronica Duterte nga 53.27 Milyon tungod sa mga transaction nga nakita niini.
Gipatin-aw ni Trillanes nga nahitabo ang mga giingong transaksyon tali sa 2011 ug 2013 ug gibase kini sa mga dokumento nga iyang giingong nakumpirma gikan sa AMLC diin nalambigit usab si kanhi Presidente Rodrigo Duterte nga nakadawat og P15.65 Milyon.