Gidakop sa kapulisan ang usa ka 50-anyos nga lalaki kinsa giila sa alyas nga “Berto” tungod sa kasong carnapping sa lungsod sa Quezon, Bukidnon.
Nahitabo ang insidente takna alas 10:50 sa gabii sa Hunyo 21, 2026. Sumala sa duha ka complainant, namatikdan nila nga nawala ang usa ka Honda XR150 nga motorsiklo nga kolor itom ug adunay temporary plate number 102006 nga nakarehistro sa LGU-Quezon.
Ang motorsiklo gibutang sa parking area sa likod sa Municipal Building sa Quezon.
Gidugang sa mga complainant nga si alyas “Berto” maoy gitudlong responsable sa pagpangawat tungod nakita kini nga nagtuyok-tuyok sa maong parking area ug kaniadto napahimangnoan na sa security guard.
Gilusad dayon sa mga kapulisan sa Quezon Municipal Police Station ang hot pursuit operation sa Barangay Kipaypayon diin nakita ang motorsiklo nga gimaneho sa suspetsado.
Samtang pasdo alas 12:40 sa kadlawon sa Hunyo 22, 2026, nasikop ang suspetsado sa Purok 2, Barangay Kipaypayon.
Sa pagkakaron, anaa na sa kustodiya sa Quezon MPS ang suspetsado ug ang nabawing motorsiklo alang sa hustong disposisyon ug pagpasaka sa angayng kaso.