Gipanghimakak sa House prosecution panel ang mga nanggawas nga hungihong nga matod pa gilampornas o gilupig sila sa panel sa depensa atol sa gipahigayong pre-trial conference sa Senado alang sa impeachment trial batok kang Vice President Sara Duterte.
Gibutyag ni House Prosecutor Terry Ridon, wala’y mulo nga kamatuoran ang mga pasangil nga wala sila makaandam sa mga argumento sa kampo sa Bise Presidente. Dungan niini, nanawagan sila si Tingog Party-list Representative Jude Acidre ug Deputy Speaker Paolo Ortega nga hingpit nang isunod ang husay ilabi na nga napili na si Senador Sherwin Gatchalian isip bag-ong Senate President nga maoy molingkod isip presiding officer sa impeachment court.
Gitakda nga ipadayon ang pre-trial conference ugma, Hunyo 22, samtang pormal nga sugdan ang ratsada sa impeachment trial karong Hulyo 6 diin gilauman nga mag-abot ang nagbaga nga argumento ug salpukan sa mga ebidensya gikan sa duha ka kampo.