Misaka na sa 78 ang ihap sa mga namatay human sa kusog nga magnitude 7.8 nga linog nga miigo sa Mindanao, base sa pinakabag-ong datos sa National Disaster Risk Reduction and Management Council (NDRRMC).
Gipagawas ang maong report kagahapong adlawa Hunyo 18, din napulo ka adlaw ang milabay human mahitabo ang maong insidente.
Sumala sa NDRRMC, kadaghanan sa mga namatay ngikan sa SOCCSKSARGEN Region, samtang 21 ang natala gikan sa Davao Region.
Adunay usab mga report nga mokabat sa 1,339 ka tawo ang nasamdan ug 30 pa ang padayong gipangita. Kapin sa 18,000 pa ka indibidwal ang nagpabilin sa mga evacuation center gikan sa gibana-banaang 1.4 milyon ka tawo nga naapektuhan sa maong linog.
Ang mga naapektuhan naggikan sa Zamboanga Region, Davao Region, SOCCSKSARGEN, ug Bangsamoro Autonomous Region in Muslim Mindanao kon (BARMM).
Giklaro sa NDRRMC nga ang ihap sa mga nakalas kinahanglan pa moagi sa validation sa Management of the Dead and Missing, usa ka opisina nga gidumala sa Department of the Interior and Local Government (DILG), aron masiguro ang tukmang datos.