Gisugdan na sa Senado kaganihang adlawa ang usa ka closed-door pre-trial conference alang sa kasong impeachment batok kang Vice President Sara Duterte, isip dinalian nga pagpangandam sa pormal nga pag-arangkada sa husay.
Gipangunahan ni Senate Clerk of Court Atty. Renato Bantug ang maong krusyal nga tigom didto sa Recto Room, diin personal nga nag-atubangay ang House prosecution panel ug ang defense team sa Bise Presidente. Sa maong panto, dungan nga gihan-ay ug gipamarkahan ang mga dokumento ug ebidensya aron masiguro ang paspas ug hapsay nga dagan sa krusyal nga impeachment trial. Kahinumduman nga nag-atubang si Duterte sa mga seryosong reklamo sama sa giingong anomalya sa ₱612.5 milyones nga confidential funds ug betrayal of public trust.
Sa pikas bahin, gipatin-aw ni Senate President Sherwin Gatchalian nga wala pa makadesisyon ang majority bloc kon kinsa ang pormal nga molingkod isip presiding officer o magdumala sa tibuok husay. Subay sa patakaran sa Senado, siya una ang mopatigbabaw nga pangu sa impeachment court samtang nagpaabot sa pinal nga desisyon sa mayoriya sa mga senador.