Mga Lumad sa Taiwan gisubay pag-usab ang delikadong biyahe sa dagat paingon sa Pilipinas gamit ang bitoon ug bugsay

Malampuson nga na-recreate sa usa ka grupo sa mga Lumad nga seafarer sa Taiwan ang karaan ug delikadong rota sa dagat paingon sa Pilipinas pinaagi lamang sa paggamit sa mga bitoon isip giya sa nabigasyon ug pagbugsay sa usa ka tradisyonal nga de-kahoy nga baroto.

Ang maong talagsaong ekspedisyon nagtumong sa pagsunod sa tunob sa ilang mga katigulangan atol sa kasaysayan sa “Great Pacific Migration.” Taliwala sa kakuyaw ug dagkong mga balod sa lawod, ang maong kalamposan nagpakita sa karaan ug talagsaong abilidad sa nabigasyon nga maoy nagsumpay sa kultura ug kasaysayan sa mga Lumad sa Taiwan ngadto sa Pilipinas.