Gipagawas sa Department of Justice (DOJ) ang unang resulta sa imbestigasyon sa special panel of prosecutors may kalabotan sa mga hitabo sa Senado niadtong Mayo 13, 2026.
Sumala ni DOJ Secretary Frederick A. Vida, usa sainitial findings sa panel, nga ang Senado wala gi-atake o ang building niadtong gabhiona.
Dugang usab sa DOJ nga dili makatarunganon ang aksyon sa Office of the Sergeant-at-Arms batok sa National Bureau of Investigation (NBI) atol sa insidente.
Kini sukwahi sa naunang pahayag ni Senador Alan Peter Cayetano nga miinsister nga ang Senado giatake ug nameligro ang kinabuhi sa mga tawo sulod sa institusyon.
Samtang, gipahimangnoan usab sa DOJ nga ang bisan kinsang tawo nga mitabang kang Senador Ronald “Bato” dela Rosa sa pag-ikyas diin mahimong manubag sa balaod.
Kini may kalabotan sa selyadong arrest warrant sa International Criminal Court (ICC) nga gipagawas batok sa mga giakusahan sa krimen batok sa katawhan.