Opisyal nga nibalik na sa Pilipinas ang sikat nga Filipino-American singer ug aktor nga si Iñigo Pascual aron permanente nang magpabilin ug mobalik sa pagtrabaho human sa iyang mubo nga panahon didto sa Hollywood.
Matod ni Iñigo, malipayon kaayo siya nga nakauli na sa nasud ug duna na’y mga nakalinyang dagkong proyekto alang kaniya lakip na ang usa ka bag-ong pelikula, teleserye, ug usa ka full-length album. Gipahayag sa aktor nga bisan og kasamtangang naka-pause ang iyang karera sa Amerika, usa kadto ka nindot nga kasinatian nga dili gyud niya malimtan ug dako ang iyang natun-an nga dinalan pag-uli dinhi.
Usa sa mga unang proyekto nga iyang pagahimoon mao ang usa ka comedy film nga giulohan og “Drags to Riches” diin makasangka niya sa aktingan silang Christian Bables ug Elijah Canlas. Giangkon ni Iñigo nga duna siya’y gamay nga kakulba tungod kay dili siya naanad sa comedy, apan gumikan sa iyang mga maayong kaubang aktor, nahatagan siya og kaisog sa pagdawat sa maong hagit.