Gipanghimakak sa mga sikat nga personalidad nga silang Vice Ganda ug Zeinab Harake ang mga nanggawas nga pasangil sa social media nga matod pa nalambigit sila sa ticket hoarding o pagpamakyaw og ticket alang sa gipaabot nga konsiyerto sa K-pop group nga BTS.
Kini human nagpadayag sa ilang kapungot ang pipila ka mga fans tungod sa hilabihang kalisod sa pagkuha og ticket, diin gipasanginlan ang mga artista nga migamit og insider access o impluwensya aron makapaniguro og daghang slots alang sa ilang grupo.
Giklaro ni Vice Ganda nga mipalit sila pinaagi sa saktong proseso ug walay kamatuoran ang maong mga tabi-tabi. Sa pikas bahin, nidepensa usab si Zeinab ug miingon nga dako ang iyang respeto sa mga fans, ug sama sa uban, naningkamot ug mibayad usab sila og saktong kantidad aron lang makatan-aw, hinungdan nga nanawagan sila nga hunongon na ang pagpakaylap sa maong bakak nga isyu.