Nangandam na ang National Capital Region Police Office (NCRPO) alang sa ikalimang State of the Nation Address (SONA) ni Pangulong Ferdinand Marcos Jr. nga gikatakdang ipahigayon sa Hulyo 27.
Sumala kang Police Major Hazel Asilo, padayon na ang serye sa mga koordinasyon ug miting tali sa Philippine National Police ug uban pang mga ahensya sa gobyerno aron masiguro ang hapsay ug luwas nga pagdumala sa maong kalihokan.
Gipasabot ni Asilo nga ang lebel sa seguridad nga ipatuman magdepende sa mga impormasyon nga makuha gikan sa intelligence reports ug sa posibleng mga hulga sa seguridad.
Giandam usab sa kapulisan ang mga lakang alang sa mga rally ug kilos-protesta nga gilauman nga ipahigayon sa nagkadaiyang bahin sa Metro Manila sa wala pa ug sa adlaw mismo sa SONA.
Tumong sa kapulisan nga mapadayon ang kalinaw ug kahapsay samtang gisiguro ang katungod sa publiko sa malinawon nga pagpahayag sa ilang mga baruganan.