Nagpahimangno ang Philippine Institute of Volcanology and Seismology o Phivolcs nga posible pang magpadayon sulod sa pipila ka semana hangtod usa ka bulan ang mga aftershock human sa magnitude 7.8 nga linog nga mitay-og sa Sarangani karong adlawa, Hunyo 8, 2026.
Bisan og kasagaran sa mga aftershock mahuyang lamang, apan sumala sa Phivolcs nga posible gihapon adunay mas kusog nga paglinog sa mosunod nga mga adlaw.
Padayon usab ang tsunami warning sa pipila ka coastal areas, busa gitambagan ang mga residente nga nagpuyo duol sa baybayon nga mobakwit dayon kon adunay ipagawas nga pasidaan ang mga otoridad.
Samtang, personal nga mi-inspeksyono si DPWH Secretary Vince Dizon sa General Santos City sa mga imprastraktura nga naapektuhan linog.
Gimando ni Dizon ang dinalian nga pag-ayo sa mga nangadaot nga dalan ug tunghaan aron masiguro nga padayon ang paghatod sa mga relief goods ug uban pang ayuda ngadto sa mga apektadong komunidad.
Gipalihok na usab sa ahensya ang tanang heavy equipment alang sa pagpanglimpyo sa mga debris ug pagresponde sa mga dapit nga adunay nahugno nga mga bilding.
Kauban ni Dizon ang uban pang mga kalihim gikan sa OCD, DepEd, DSWD, ug DOH.