Natigayun ang usa ka vehicular accident kagahapong adlawasa Provincial Road, Purok 2, Barangay Sinayawan, Valencia City.
Ang insidente naglakip sa usa ka motorsiklo nga walay plaka nga gimaneho sa 38-anyos nga lalaki, ug usa ka 51-anyos nga lalaki nga pedestrian.
Base sa imbestigasyon, nagbiyahe ang motorsiklo gikan sa San Fernando paingon sa Quezon, Bukidnon, dihang kalit nga mitabok ang pedestrian ug nabangga sa sakyanan.
Ang pedestrian nasamdan ug gidala dayon sa Valencia Polymedic Medical Hospital, samtang ang driver usab nasamdan apan midumili nga magpahospital.
Nangadaot usab ang motorsiklo tungod sa impact sa bangga.
Nadiskobrehan pa sa imbestigasyon nga pareho silang duha giingong nakainom og makahubog nga ilimnon sa panahon sa insidente, ug gidala ang driver ug motorsiklo sa Valencia City Police Station alang sa dugang nga imbestigasyon ug disposisyon.