Personal nga gi-inspeksyon ni Presidente Ferdinand R. Marcos Jr. ang pinakabag-ong mga pasilidad sa Ninoy Aquino International Airport (NAIA) Terminal 3 sa Dakbayan sa Pasay.
Ang maong lakang may kalabutan sa paningkamot sa Administrasyon niini nga mapalambo ang mga tugpahanan sa nasud ug mapadali ang kasinatian sa mga pasahero. Gibisita sa Presidente ang NAIA aron tan-awon ang kalamboan ug mga kausaban sukad gibalhin ang operasyon sa New NAIA Infrastructure Corporation (NNIC).
Sumala sa Bureau of Immigration (BI) adunay espsyal lane alang sa mga Overseas FIlipino Workers diin gitawag nga Blue lane, diin gipasigarbo kini sa pangulo.
Nagdugang usab sila og unom (6) ka counter ug 12 ka immigration officers, aron mapadali ang proseso sa immigration, labi na sa peak season. Lakip usab ang libre nga pagkaon, ilimnon, wi-fi, charging stations ug 24/7 nga Lounge sa mga OFWs diin suprtado kini sa Department of Migrant Workers (DMW) ug Overseas Workers Welfare Administration (OWWA, human sa lounge sa NAIA Terminal 1.
Sa pakakaron, gibutyag sa OWWA nga kapin na sa 800,000 ka OFWs ang nakabenepisyo sa maong mga samaong kalihukan.