Misaka na sa 17 ang ihap sa mga namatay sa trahedya sa pagkahugno sa gitukod nga edipisyo sa Angeles City, Pampanga.
Narekober sa mga awtoridad ang ika-16 nga lawas sa kaadlawon, samtang nakit-an ang ika-17 human sa pipila ka oras.
Nagpadayon pa ang gihimong search, rescue, ug retrieval operations alang sa tulo pa ka tawo nga gituohang anaa pa ilalom sa mga guba. Sa pagkakaron, 27 ka tawo na ang malampusong naluwas gikan sa nahugno nga estruktura.
Nagpabiling nakaalerto ang mga rescuer ug uban pang ahensya sa kagamhanan aron masiguro nga walay mabilin nga biktima sa insidente.
Tungod niini, nagpahinumdom ang DILG sa mga lokal nga kagamhanan nga hugot nga bantayan ang tanang proyekto sa konstruksyon aron masiguro ang kaluwasan ug kalidad niini.