Makasinati og usa ka talagsaong natural nga penomenon ang Utqiagvik, Alaska diin gikan karon hangtod Agosto 2 magpadayon ang gitawag nga “midnight sun” o walay hunong nga kahayag sa adlaw sulod sa 84 ka adlaw.
Niining panahona, dili molubog ang adlaw sa maong lugar hinungdan nga magpabiling hayag ang palibot bisan sa oras nga kasagarang gabii na.
Ang maong penomenon resulta sa lokasyon sa Utqiagvik nga duol sa Arctic Circle, diin matag ting-init makasinati ang mga residente og taas kaayong daylight hours.
Tungod sa padayong kahayag, nausab usab ang adlaw-adlaw nga rutina sa mga residente lakip na ang oras sa pagtulog, trabaho, ug ubang buluhaton.
Ang “midnight sun” usa sa labing nailhang natural nga penomenon sa kalibotan nga padayon nga nagdani sa mga turista ug siyentipiko tungod sa talagsaong kahimtang sa maong lugar.